من اول ما تزوجت انا وعلي وكل الناس يسألوني على شو ماخذتي!

0 28

من اول ما تزوجت انا وعلي وكل الناس يسألوني على شو ماخذتي!
من أول ما تقدملي والكل يحكيلي ارفضي!
هاد ما رح تكوني مبسوطة معه ، لا قدامه ولا وراه …

بنفس الوقت كان متقدملي واحد، حلو وغني ومش ناقصه شي، والكل بحكيلي ولك هالشب رح يعيشك وين ما بدك، ويحققلك كل شي بتحلمي في، بس انا ما كنت شايفته هيك ، بتذكر اول مرة شفت فيها علي، كنت طالعة مع صاحباتي بالجامعة واخته كانت صاحبتي اجا عندها ، كانت اول نظرة بينا ، مش بحكو في حب من اول نظرة، انا حسيت اني لقيت شي زمان ناقصني!

اطلع علي نظرة وحكى نكتة ضحكني من قلبي ❤
صرت كل ما اروح عند صاحبتي يسألها عني، وانا صرت اشوف مواقفه مع اهله ويعجبني اكثر ..
حنيته مع اخته، ومرة شب ضحك عليها، يومها كانت منهارة، بس حكتله!

انا وقتهها كنت خايفة عليها، اخوها حمش كثير ، قلتلها رح يضربك، بس ما عملها شي؛ راح وبهدل الشب؛ وورجا قيمته؛ بس حكتلي موقفه كبر بعيني اكثر …
حسيت انه هاد الشي اللي بدور علي من سنين بس كنت خايفة ما يكون الي ….
مشت الأيام لا انا حكيت معه ولا هو حكى معي، مواقف بس كانت جامعتني انا ويا، كيف كان يترك كل شي عشان يساعد امه المريضة، كيف بعمل كل شي عشان يفرح اصحابه، كيف دائما بضحي … ضلينا هيك وكنت ادعي ربنا يكون الي ، لأجت اخته بتحكيلي …

علي بدو بتقدملك، بس انتي بتعرفي وضعه ، بشتغل بشركة، ورح تعيشوا بالاجار … كانت احلى لحظة بعمري؛ يومها روخت طايرة على بيتنا وبحمد بربنا، بس اهلي صدموني!
وما وافقوا، حكولي هاد مش نفسنا؛ ومش رح ترتاحي بالعيشة معه ، من وقتها بلشت اتعلق في اكثر، وحاربنا الكل لحتى وافقوا اهلي بعد ما شافوا انه فش امل اقبل بغيره ، مرينا بمواقف صعبة اكيد؛ عشنا ظروف مختلفة، بس زواجي منه خلاني اقوى؛ أسعى لحلمي ، انجح بحياتي لحتى نصير نصرف مع بعض ونتساعد، اليوم وانا واقفة قدام ٣٠٠ شخص؛ بهنوني بنجاحي وتفوقي ، انا كنت مدينة لشخص واحد ، هو علي وبس، نظرات الفخر الي بعيونه، خلتني اطلع بأهلي واحكيلههم شفتوا ليش اخترتو بين الناس كلهم؟

عرفتوا ليش كنت بدي يا …
لإنه السند، االامان، الصاحبب، الحبيب؛ وااالأهل، لإنه لما تكون الدنيا برد، كنت احس انه مستعد يشيل جلده ويدفيني في؛ لإنه ةكثر شخص حنون … وطيوب وببحب الخير لغيره ..
تزوجي اللي شايفة سعادتك معه، اللي حنيته ما في مثلها، اللي بكون قلبه كبير وبوسع الدنيا كلها، تزوجي الي معه مستحيل تحسي بالنقص ❤
المصاري والشكل مش كل شي، الحب هو الرزقة الوحيدة اللي بالدنيا اللي ممكن تعطيك السعادة وتخليك تنجح، الحب الحلال والنصيب

#هديل_قاسم

تعليقات فيس بوك

اضافة تعليق

قد يعجبك ايضا أكثر من مؤلف

Loading...